wopisanje produkta
Interpretacija: Erika le Roux, klawěr
Křidło: Blüthner Konzertflügel (1910)
Z hudźbnohistoriskejo wida płaći Bjarnat Krawc (1861-1948) powšitkownje jako najwuznamniši naslědnik Korle Awgusta Kocora (1822-1904), załožićela serbskeje byrgarskeje narodneje wuměłskeje hudźby w 19. lětstotku. Njenawjazowaše jenož njeposrědnje na jeho tworjenje, ale wužiwaše hustohdy podobne hudźbne formy, družiny a wobsadźenja kaž za swój čas Kocor.
Dokelž bě Krawcej poměrnje dołhe žiwjenje date, měješe při nastupje wuměnka nimale hišće 25 lět před sobu, w kotrychž móžeše nětko hišće raz doslědnišo swoje kompozitoriske ambicije pěstować. Wuznamny dźěl jeho tworićelskeho žiwjenskeho skutka nastawa potajkim za čas jeho těćeho žiwjenskeho wotrězka.
Customers also purchased
Reviews