wopisanje produkta
Słónco, woheń, wětr, zemja a woda starosća so wo naš swět. Dokelž su ludźo hrozni, kradnu wšě pokłady zemje a zda so, zo su jim pjenjezy wjace hódne hač přećelstwo a lubosć. Bě na času, jich warnować a tróšku pochłostać.
Tuž pósła słónco suchotu do kraja, a po zemi chodźeše sonina dešća přewoblěkana jako prošerka. Wona nětko rjadowaše, hdy a ddźe woda z njebja pada.
Runočasnje we wsy wulki kwas přihotuja. Nowoženja Juro pak njelubuje Bety, z kotrejž so woženić ma, ale Kwětušku. Přećiwo tutej lubosći pak je bohaty nan Jura.
Sonina dešća zetka Kwětušku a jej přirěčuje, zo ma pytajo za dešćom spjelnić tři ćěžke nadawki...
Reviews