wopisanje produkta
Ruudi je 8-lětny hólčec a bydli ze swojej maćerju na estiskej kupje. Hori so za Wikingerow a soni wo tym, směć jónu na prawej wikingerskej łódźi po morju jěć. To pak smědźa dźěći jenož, jeli je tež nan přitomny. Ale Ruudi žanoho nana nima. Kak pak móže hólčec nětko spěšnje nana namakać? Tuž ma Ruudi wulkotnu mysličku: Organizuje prěnje wubědźowanje wo nana na swěće. Myto je - wězo - Ruudi ze swojej maćerju. Jenož zo mać wo swojim zbožu ničo njewě.
Fantazija a sony małeho hólčeca, zaplećene do zdźěla skurilneho wšědneho dnja na kupje, krasna přiroda a zašmjatane dožiwjenja wokoło wubědźowanja wučinja kuzło toho filma.
Reviews