wopisanje produkta
Rosa, 13-lětna holca, je ze sobu a wobswětom njespokojna. Staršej staj so dźěliłoj, mać ma noweho muža a Rosa k tomu hišće małkeho połbratra Abelčika. Tomu so pŕidruži, zo chce mać přećahnyć. Zwučeny socialny wobswět Rosy je z tym fuk, wona dyrbi sebi - chcyjo-nochcyjo - tež nowych přećelow namakać.
Jeje najnowši konik je grafiti, jeje nowy wučer - do kotrehož je so njesměrnje zalubowała - je homoseksualny. Jeje nowa přećelka chodźi po wobchodach kradnyć, frizer je heroiskej Rosy wjacore tuby čerwjeneje barby do włosow spraskał, a rjany piercing nad brjowku je sej k tomu hišće sčinić dała... A je nimale bjez dźiwa, zo znaje Rosu tež hižo policija. Haj, žiwjenje młodostnych njeje runjewon jednore. Hdyž znajmjeńša starši njebychu tak napinacy byli... "Mój Božo, kak to jenož přetraju???"
Reviews