wopisanje produkta
Kóždy kónc tydźenja přiwyskuja tysacy hordych a napjatych nanow swojim kopańcu hrajacym synam. Při tym rozsudy sudnika jara doładnje wobkedźbuja a wótře komentuja. Jedyn z nich je Bert, kotryž chcyše so jako młodźenc sam z profijom stać, štóž pak so jemu njeporadźi. Jeho 12-lětny syn Gilles, jara wobdarjeny a zahority kopar, soni tohorunja wo tym, jónu jako "Čerwjeny čert" w belgiskim narodnym mustwje sobu hrać. Zo by so són spjelnił, trenuje nan wšědnje jara zaměrnje ze swojim synom. Cyle njejapcy nan pak mrěje a žiwjenje hólca so drastisce změni. Za młodeho koparja započina so čežki čas. Gilles dyrbi wuknyć so rozžohnować, tež wot swojisch koparskich sonow...
"Gilles" je jara čućiwy, wuběrnje hraty dźěćacy film, kotryž wobjednawa temy kaž smjerć, lubosć, přećelstwo a pytanje za swójskim žiwjenskim pućom. Na Mjezynarodnym dźěćacym filmowym festiwalu 2006 w Kamjenicy wuznamjeni so film z třomi mytami, mjez druhim mytom mjezynarodneje dźěćaceje jury.
Reviews