wopisanje produkta
Filmowe tšojeńka na toś tej DVD zwisuju z lanom a płatom. Wšykno se wulicujo z wida drogujucego kšamarja, kenž jo něga we Łužycy dom wót domu chójźił, swóje wóry pśedawał a luźam pśipódla teke nowosći pósrědndjał.
Nježli až jo brunica póstajowała naglěd Łužyskeje krajiny, jo grała mała módra kwiśata rostlina wjeliku rolu za zasłužbu, góspodarstwo a kulturu how bydlecych Serbow a Nimcow: Lan jo rosł w gumnach a na pólkach. Z njogo su pśědli pśěźeno, aby z togo płat tkali. Na pśězach, w tkajarskich śpach a w šlodarnjach su pón powěsći a bajki wustnje dalej dawali a je zwězowali z wobstojnosćami we jsy.
Tak wustupuju we filmje powěsćowe póstawy ako źiwy jagaŕ, pśezpołdnica a lutki. Samo cart sobu statkujo.
Te fabulowe a druge filmowe figury pśedstajaju se ako wustśiganki. Film „Ze žywjenja drogujucego kšamarja“ zwězujo klasisku siluetowu animaciju z móžnosćami digitalneje doby.
Customers also purchased
Reviews